ភ្នំពេញ៖ កីឡាករគុនខ្មែរ ព្រំ សំណាង ដណ្តើមបានដាយមាស ពីគូប្រកួតកីឡាករមីយ៉ាន់ម៉ា Tun Tun Min ក្នុងវគ្គផ្តាច់ព្រ័ត្រលើវិញ្ញាសាទម្ងន់៨១គីឡូក្រាម។
ក្នុងការប្រកួតគុនខ្មែរវគ្គផ្តាច់ព្រ័ត្រថ្ងៃនេះ មានគូប្រកួតចំនួន៩គូ ដោយកីឡាករ-កីឡាការិនីចំនួន៧រូបទទួលបានមេដាយមាស គឺកីឡាករ ព្រំ សំណាង កីឡាករ ឃួន ឡាំងកូស៊ីន កីឡាករ ឈុត វ៉ាន់ថង កីឡាការិនី ទូច ចាន់វត្តី កីឡាករ ឃុន បូរ៉ា កីឡាករ ទិត សោភ័ណ្ឌ និងកីឡាករ ឡៅ ចន្រ្ទា ខណៈកីឡាការិនីចំនួន២រូបទទួលបានមេដាយប្រាក់ គឺកីឡាការិនី មើយ ស៊ឹង និងកីឡាការិនី ទួន ស្រីភីន។
ការប្រកួតគុនខ្មែរវគ្គផ្តាច់ព្រ័ត្រថ្ងៃនេះ ធ្វើឡើងនៅពហុកីឡដ្ឋានជាតិមរតកតេជោ៕
